KNO(Japan)/DKN kaw nna lai wa sai November shata 15 ya shani hta hpuna Arakan League for Democracy-Exile(Japan) ni woi awn ai hte Daewoo company shawng kaw e n'gun madun ai lamang galaw mat wa masai lam chye lu ai.Myen hpyen asuya a laknak mari la lu na matu madung shang gumhpraw tam ya ai wan sau hte gas tam shaw ai lam ni hpe Daewoo kompani kaw nna Munghpawm Myen mung kata na dawm kau na matu hpyi shawn lai wa masai.

Matut nna December shata 2 ya shani Japan kaw na ding da Korea masha ni hpe garum ai NGO hpung rai nga ai LIFE FUNDS FOR NORTH KOREAN REFUGEES ni woi awn ai n'gun madun poi hpe Tokyo mare na Miwa dat kasa rung kaw galaw lai wa sai.

Life funds for North Korean Refugees NGO ni hpyi shawn ai gaw dingdung Korea kaw nna hprawng pru wa ai tsim yam ni miwa mung du jang rim nna bai sa kau kau re ai majaw, dai sa kau hkrum ai ni mung dan du jang shan the a sak hkrung lam a matu grai hkrit tsang ra ai majaw ndai hku rim na sa kau kau re MIWA ASUYA gaw shim gim a hkaw ahkang hpe sharun jahten ai lam re. Dai galw ai lam ya jang dawm kau na matu hpyi shawn ai.

Jinghpaw Wunpawng amyu sha ni a matu KNO-Japan kaw nna hpyi shawng ai lam masum hpe Shayi DABANG SENG HEIN hte Jan MARAN JA HPA yen woi awn galaw wa ai lam chye lu ai.

Hpyi shawn ai lam masum ni gaw;
1.Jinghpawng mung hte Miwa mung lapran kaw byin nga ai masha dut sha hkrum nga ai mahkang hpe ya jang a hkyek la ya n na masha dut sha ai lam hta lawm nga ai ni hpe lawan ai hku ari kaba jaw ya na matu.
2.Ya nan dut sha hkrum nna Miwa mung kaw du nga ai Kachin num sha ni hpe lawan ai hku hkye shaw ya na matu.
3. Masha dut sha nga ai bungli ni hpe woi galaw nna Miwa mung de nanghpam lu sha law law hpe shabra nga ai Myen hpyen asuya hpe sadi jaw nna ging dan ai hkum pat ai lam ni hpe ya jang galaw mat wa na matu hpyi shawn lai wa sai.











KNO-Japan shiga

Click here for more photos....