June 03, 2009

New Zealand gaw mungkan ting hta ngwi pyaw simsa htum mungdan re nga daini n-dau shabra laika hte shabra wa sai.

New Zealand mungdan hta laja lana, sat nat ai lam ni grai yawm ai, hpyen hte seng ai magam ni hta gumhpraw jailang ai grai yawm ai, ra lata poi dang ai gumhpawn asuya ngang grin ai lam ni gaw mungdan hta simsa dik htum ai mungdan langai re nga nna Global Peace Index hpung masat mat wa ai re. Ndai hpung gaw simsa lam shadawn madang masat let mungdan 144 yu nna dawdan jahkrat sa wa ai lam rai nga ai.

New Zealand gaw masha sat nat ai lam yawm htum rai nna, shinggyim ahkaw ahkang hkan sa ai lam tsaw htum mungdan langai rai nga ai.

Maning na simsa htum mungdan gaw Iceland rai nna, dai mungdan hta laiwa sai shaning September shata hta byin mat wa ai mungkan gumhpraw sut masa mayak manghkang a majaw Iceland mungdan hta laja lana byin ai lam ni hte n-gun madun ai lamang ni pru wa ai majaw dai ning gaw simsa htum mungdan jahpan hta nshang mat ai rai nga ai.

Europe Dingdung mungdan ni rai nga ai Denmark, Norway hte Iceland mungdan ni gaw nambat 2, 3 hte 4 simsa ai mungdan ni rai nga ai. Nambat manga hte hkru gaw Austria hte Sweden mungdan yen lu mat wa ai re.

N simsa htum mungdan gaw Iraq rai nna, dai hta loi yawm ai gaw Afghanistan, Somalia hte Israel mungdan ni rai nga ai. Xinhua